我由2007年7月頭返到現在..我限期就快到了..係時候被同事迫走...

星期六我忍吾住在公司到哭了....

因為我被個惡鬼ｓａｌｅｓ想鬧走我．．．佢無啦啦走去經理房check我打的發票．．．我打個收件人係Ｍｒ．　Ａｌｅｘ採購部收．．佢就走來我個位話我乜有"Ｍｒ．"個字咩．．問我識吾識英文呀．．．．

仲係當面惡到死咁話我．．．

可能我做左替死鬼．．．．．．

今日．．返工．．係舊同事要返埋今日走了．．

原來自己無料到．．好容易被同事睇吾起．．會嘲笑．．

今日終於發生係我身上，　因為今日個舊同事係２個鐘內教我點打invoice and 計 closing stock a/c，　但係．．個舊同事吾係好咁教我．．好求奇咁教．．仲叫埋個文員一齊來睇住來教我．．２個一路打眼色．．因為我都吾係熟入數方面，　到了我用計數機時，　因為我吾熟用計數機．．　佢地就整d吾耐煩的態度，　攪到我有好大壓力．．個文員仲問我件衫係邊到買．．其實佢咁問我．．我知道佢係想串我．．我答吾記得左．．

仲有個舊同事．．吾見左支筆．．我口快快答左”支筆走左”，　咁個文員笑我．．乜支筆會識走咩．．．．

唉．．．．．原來係不容易．．仲有我要面對．．就係要做個盤數．．要正確．．做少左或多左貨的數．．會被女文員嘲笑和倉的同事都一樣會話係daphne做的數吾對．．錯就係我攬住上身．．．．

其實我知道．．辦公室政治．　．．如公司有２個文員，　又低又高級．．低級緊係想升高級的位，　佢地會用的野．．整走高級走．．其實個文員都係今年５月入職，　佢係吾係想整走我呢．．我就吾知．．因為我要想做好我工作上．．同埋盡量做．．希望應付到．．

昨晚訓覺訓得４個鐘．．太緊張了．．訓吾著．．

早上返工．．特別好驚．．

回到公司．．差吾多的同事都幾好．．個別一兩個有少少吾係咁好．．

今日都沒有野做．．淨係坐係會議室都幾細．．因為上一手同事還有工作要跟不得閑教我．．

明天才要真係要做．．因為明天個同事可以比我跟手．．但有些我係吾明點做．．，　但公司的產品我已略知一二了．．只有有關入數問題吾多掂了．．

明天希望記到晒的工作範圍啦．．

今天我都係自己去食飯．．因為大份部的同事都有帶飯食．．．．真係好鬼獨立．．

今天都有上司請飲下午飲，　我叫了紅豆冰．．

收工時好準時．．５時半走人了．．．．女文員同我同行．．佢問我幾多歲．．我都吾知點答她．．我問她估下．．佢答左二十三四歲．．我答差吾多．．我再問番佢．．佢話大我幾年．．咁即係真實年齡都同我差吾多．．又問我以前的工作．．我答做clerk囉．．．．其實佢都係今年４月入來做．．都吾係做左好耐．．．．

明天早上我要４時４８分起身．．因為我秘便．．要早起去大便．．唉．．．明天吾知夠吾夠精神去工作．．

明天要返工啦．．我十分之驚．．．

吾知做吾做得來．．好驚．

吾知和同事和上司夾吾夾．．好驚．．

吾知，　好多野都吾知．．好驚．．

在我人生裡面越來越驚．．．

人生一點希望都沒有．．好驚

很想很想．．去另一個世界．．．吾想在留係呢到．．真係好驚．．．

但又怕痛的．．

唉．．．點算好．．．．．折磨我到幾時呀．．．．．

以前唯一我的最信任的人已經走了．．都沒有同我傾心事．．．日日夜夜都鬱住鬱住．．好辛苦．．．

今日都去左覆診．．覆診時．．都係咁問完幾句去取藥．．我心又係諗．．驚．．．

我驚很多東西．．事業和日後生活．．我驚自己顧吾掂自己．．我成個人無晒信心．．

唯一我想寫的心事．．只有呢到．．我已經夠煩惱和辛苦啦．．點解有d無聊有惡意的人中傷我呢．．．．

你明吾明我感受呀．．請尊重她人．．吾好再留的不尊重的字句．．．

每天起身有種驚的壓力, 好驚事業, 好驚將來愛情, 好驚自己點過, 總之好驚...

每次起身都想起我前男友的回憶和前男友同個大陸女友的情況, 唉...成日諗..點解佢咁絕情呢..話晒我之前同他有成6年感情..佢知道左我發覺他有大陸女友拍左3年..佢就吾理我..吾採我, 吾打電話搵我..乜都吾理..究竟我做錯d乜呢．．我在６年內都做左超越了女朋友的事務，　肯幫他和肯為他，　事事他要買野．．我都會落手落力去幫他搵．．其實佢係買比大陸女友．而我吾知．．好多野係佢呃我．．而我又吾知．．咁就幫他買．．這段情．．令我深刻鋁心的回憶．．永世難忘．．．

都吾明佢點解咁鐘意個大陸女友．．又吾靚．．但年紀上係細．．但個樣都似三十幾．．學歷都幾高．．人品方面係假情假意．．相比我．．我雖然年齡大左d，　但我個樣都似下廿幾歲啦．．樣子都好過佢好多．．能真心真意對一個人，　我學歷雖然吾好．．

我都問他．．點解男人很付出咁多錢去買貴野比個女人．．佢就答個女人叻有本錢．．究竟本錢是什麼呢．．本錢係吾係咁真係值得去投資係呢個人身上，　就算個女人叻．．人吾好．．就倒番轉頭呃番你的錢．．

好似我咁我最深愛的人，　竟然係最傷害你的人．

佢今年年頭都同我講過．．就算結婚後會好快離婚，　我現在都諗起．．呢句都係留番比佢啦．因為佢結婚對象係大陸女友．．遲早都會被大陸女友呃晒佢公司的錢．．仲有我差吾多日日用男人身份同呢位大陸女友傾計，　有好多事係前男友吾知．．例如話前男友的父母是老人，　神經病，　討厭和好麻煩佢父母，　我聽完之後．．個女人都吾係好得去邊．．個女人淨假情假意氹到前男友買乜買乜．．好似買隻狗呀．．成６千元，　前男友都很買．．每樣東西起碼超過成千都很買．．個女人目標要買車．．個傻佬很定會買埋比佢啦．．

呢種男人係我吾值得我去愛．．他咁傷害我．．又不忠．．其實我都係放棄左呢個男人．．但我不甘係以前我係對他真心真意．．係佢竟然欺騙我．．，　但我要他做我搵工的諮詢人，　原來愛得深早已有極端，　女人的弱點．．．．

唉．．我由２２號至２５號狂send cv出去，　都共有成廿幾份，　有７份工叫我見工，　有３份係有second int，　有２份工請我，　第一份請我．．我已除消了，　而第二份係高級文員，　我都考慮緊，　我都覺得都好大壓力．．因為呢份要工作獨立，　但福利很好，　工作時間吾長，　銀行假，　不過主要係地點很遠和我未必應付到工作上，　而今日下午要去見second　int　係某間電器零售店，　都係做辦公室文員算係會計部，　主要做有關貨的出入，　入帳，　出發票，　寫英文信件，　和電子郵件，　詢價，　都幾多野接觸，　但返工每天９小時返６日，　有超時工作，　勞工假，　無時間進修，　因為放到７時半，　福利無高級文員咁好．．但做的範圍同高級文員差吾多．．對貨的，　但係如果我選．．零售個行會適合我多D和地點近，　可以０堅番車錢一程，　但工作時間長，　而高級文員係倉務部，　地點遠地鐵站行去都要成１０分鐘，　工作時間福利都幾好，　又有得進修，　但工作要獨立，　因為我對鋼鐵加工我不認識，　人事方面的經理好嚴肅嚴謹，　我就係驚囉．．　而我見時．．個經理講個上２手的同事都做左１８年．．都係坐呢個位，　咁即係升極都無得升．．上一手就快走的同事．．都係做左年半．．離職原因係太多數字和怕左數字．．其實我都好怕數字呀．．其實呢２個職位都係對數字多．．其實我係想搵份吾想轉工的工作，　因為我要靠自己以生活，　真係吾知點選擇

高級文員： 返9時正, 如果我要去大便的話, 有2天要早上5時正起身不過太累是好難去到大便, 8時正出門口啦. 但個2天上會很累了..不過放工都係5時半至6時正.

文員: 返10時半, 如果我要去大便的話, 有2天要早上7時正起身會易去到大便, 10時正出門口啦. 比較上係無咁累..但係放工係7時半至8時半左右..

咁真係吾知點選擇．．．．．．．

我見完再回報結果啦．．

見完了．．又係請了我．．唉．．都吾知點選擇好．．

文員呢．．就１０時２５分到公司，　遲到要罪１００元一次，　每次遲到都係１００元，　如沒有遲到有獎金３００元，　再有佣金，　基本薪金是７７００元，　可能多於８０００元以上，　要看公司業績而定，　但吾知有無做滿一年花紅或１３個月糧，　但最衰係勞工期不能放正日，　放平日呀．．食飯時不能外出只能在公司內食，　唉．．成日都在公司．．會好悶麻．．想出外買野都吾得．．．仲有每天上午１２時半前要銀行和其他結數，　工作上都係做有關會計工作，　間公司．．都好似好刻薄員工咁．．但我問我妹，　我妹話緊係做文員啦．．工作無咁高級文員壓力大，　就算福利點好．．你做得黎先得．．做吾黎幾多都無用啦．．叫我去做文員啦．．咁我決定做文員啦．．起碼真係可以接觸到會計的．．同埋算係文職野囉．．不過我的普通話并音班要除消了．．．．

唯有下個月做完後出糧再報讀其他時間啦．．．

改了都係去返觀塘好的．．因為我問過阿媽．．我阿媽覺得公司太呵刻員工，　樣樣都要扣人工，　不是好．．叫我返觀塘好的．．．

今天下午我要去見倉務部高級文員的第二次面試了．．有些緊張

另外昨日見了４份工，　我先講有回音的，　有１份行政文員聘請了我．．叫我星期五上班，　但我吾醒起我７月３日要去覆診，　吾可以做完２日，　就請假呀，　吾係咁好，　吾知點算好，　我都考慮緊，　因為我英文差．．吾識同老闆溝通，　因為這間公司是細公司５人，　老闆是外國人，　溝通上要用英文交流，　上班在九龍東都幾近地鐵，　沒有什麼福利，　銀行假，　１３個月，　７天大假，　有超時工作，　負責工作比較每樣都有接觸，　是人事工作，　和採購外國產品，　需要船務公司辦理，　返工時間星期一至星期五早上９時至６時，　星期六早上９至１，　人工同高級文員一樣，　８０００元．

而第二份高級文員，　倉務部得６個人，　大公司，　總公司係某油尖旺區，　而倉務部在九龍東區地鋪，　由地鐵站要需行１０分鐘，　工作要獨立，　因為這部門在文職上係高級，　還有秘書高級過我，　同埋文員低級過我，　見工時．．我係見主任，　他講的細節詳盡，　工作範圍習中係貨的出貨時開發票，　出入貨要做紀錄入帳，　聯絡會計部，　有新產品需要開新的item no, 　所有工作都是對數字的．．而返工時間都幾吸引星期一至五早上９時至５時半，　星期六早上９時至１時，　但沒有透露要超時，　１０天大假，　銀行假，　有醫療保險，　員工進修課程，　１３個月，　佢話問我有沒有興趣去見第二次面試，　我緊話有，　佢話如果有得見第二次面試已經有機會係聘請我，　我見完之後，　過了半個月間公司打電話來．．叫我明天去見第二次面試啦，　今天下午我要去見係經理，　不知怎樣．．我現在好緊張．．呢份我會話最快７月４日返工，　因為我要７月３日下午去覆診了．

這２份真係吾知那份好，　唉．．．．

今天都有一份叫我去見工，　九龍灣不近地鐵，　要行１５分鐘才到，　呢份吾見住．．．

今日下午２時半見左counter clerk係上環船務公司．．呢份見完感覺．．吾0岩我．．而呢間見我呢個女仔．．講到好多野做．．又話要記醒好．．要記足６０人的線．．其實係做reception．．我見時．都無心機去見．．

第二份壓力就大．．因為係personnel agency介紹佢話會考我email英文回覆．．我聽完之後用左１個鐘去搵回覆的英文內容．．咁見時．．佢真係考你．．但我吾係好識答．．因為我今天都好累．．佢又話要跟埋會計和船務和見客報價和一個月上２次大陸，　工作上一定要獨立，　同埋佢講如果我工作表現上好．．會有升去report to manager，　即係類似係秘書啦，　佢話呢間公司有得提供課程比員工進修．．希望員工提升能力，　又可以幫到公司，　又可以幫到員工，　佢問我有無興趣係呢公司做．．我緊話有啦．．其實負擔都好大．．我能力範圍可能做吾到．．可能我無乜信心．．跟住佢話會見多個．．問我有機會要我下次見多次老闆．．如果佢覺得我適合既話．．．不過佢請我的機會率得一半一半．．因為佢知我英文和國語吾掂．．所以佢講公司有提供課程，　同埋話我吾係好大年紀．．叫我去進修下．．我都同佢講．．知識係財富．．我會去進修既．．呢份工．．我未回覆personnel agency，　因為我吾知好吾好通知．．我覺得我好似未應付到．．見埋明天個４份先．．明天才回覆啦．．

見完２份工都好累．．但明天又見四份工．．星期四又見一份．．．估吾到我send cv成廿幾份都有差吾多有８份工叫我見工．．今日我都無send cv啦．．費時．．又叫我見工．．下個月２號又開始send cv啦．．

明天要見４份工．．沒有時間去吸塵．．星期四又係去見工，　又係沒有時間去吸塵．．

見工真係用好多錢．．每天車費都要成８０元左右．．如果見四份工的話．．明天車費真係金啦．．．

今晚都係早些訓．．明天一早８時半起身．．見第一份１０時正九龍灣文員，　１２時半尖東文員，　２時半觀塘高級文員（personnel agency介紹)，　５時紅磡文員呀．．時間緊迫．．明天實累和熱死了．．．．．

就快暑假下個月我估見工一定少過６月份啦．．

上星期五至現在都send cv成廿幾份, 有4份工又得見..今日都見左2份工, 第一份是personnel agency介紹２份工給我．．一份是senior clerk係觀塘，　另一份是admin and sales clerk係深水步，　我初係申請係senior clerk既．．因為我在申請表有寫識貿易通既．．咁佢介紹多份admin and sales clerk囉．．都好既．．有多個機會．．都係等下佢回覆有無得去見呢２間，　可能我今次typist test 打的進度可能慢左．．因為我緊張左．．

咁第二份．我誤會係財務公司．．點知去到係某間連所的攝影器材公司都係見文員呀．．．呢間都算係幾大下的公司啦．．不過返工時間長和６天工作，　主要工作都係會計和文件書信，　佢問我掂吾掂．．我緊係話以前都有修讀，　如果貴公司請我，　我會睇番以前的書信樣本．．仲問我係吾係星期六返普通話．．我話係．．．如果貴公司請我．．我會除消讀呢個時間的課程，　會再報讀其他時間．．即係我每樣野．．都會肯去千就和去學同埋我係表現到肯有誠意．．佢仲問我吸吾吸煙．．我話當吾吸啦．．咁佢就話２天後有secsond in　係見老闆既．．，　其實今次我都表現係好有誠意．．我估佢都覺得我係肯去學的人．．希望真係有得第二次去面試啦．．．

至於第三份係星期二下午２時半去見上環都係counter clerk．同埋星期三上午１０時去見九龍灣行政文員．吾知見成點．．我就吾知．．希望我會有進步啦．．．．．

或者希望今個月尾有feedback下個月頭叫我返工啦．．．我現在真係好需要有份工囉．．雖然姻緣上是不理想．．希望事業方便補上囉．．

仲有上星期日和２個朋友去行街．．個日我心情都可以舒服左．．無咁心痛，　但都有日日想念他，　個日都和朋友去塔羅牌占卜測姻緣．．我都估到啦．．佢又係咁講我取的牌係無有關愛情的．． 佢話呢年係無人問津和話我好執著，　話我淨係坐係到等係無囉．．　同埋佢比意見我．．叫我主動去識人．．唉．．聽完．．．．我都要面對事實．．

講真．．呢次失戀．．會令我改變左我人生目標．．同埋改變左我會積極進取左．．同埋有２個朋友支持鼓勵，　真係多謝我２個朋友．．．

無以前拍拖時．．等嫁囉．．．

一講起我朋友．．就諗起我衰男人．．我最信任的人．．竟然係是最傷害我的人．．．我真係好失望和傷痛．．．．．．

現在係等有份工做和去學多d野．．．

以下的歌．．是我現在心情．．和同感．．． 

女人的弱點 葉倩文
曲：Charge & Aska 詞：潘源良
與你說了再見我要過我每一天
心中偏偏反復想起過去每一點
明明分開之後為何還要思思念念
不肯相信已步遠
還望轉身當即可相見眼前
你再見我你再叫我與你再相戀
心中清楚心中早知再愛更辛酸
然而剪它不斷任誰來理都一樣亂
誰又要永遠 但求愛再算
縱使這一生只可以苦戀
原來對你愛得深早已變了極端
難憑理智去解開事情
原來每個女人都總有某個弱點
明明抗拒結果心又遠
你再見我你再叫我與你再相戀
心中清楚心中早知愛你有辛酸
悠悠普天之下為何和你癡癡纏纏
仿佛一切也在變
唯獨我心始終不懂說棄權
你也說過我愛上你似跌進火圈
今天相依他朝相分你有你所戀
然而剪它不斷任誰處理都一樣亂
誰又要永遠 但求愛再算
縱使一生都只可以苦戀
原來對你愛得深早已變了極端
難憑理智去解開事情
原來每個女人都總有某個弱點
明明抗拒結果心又遠
與你這晚再見最好不要說明天
算我錯了愛你太深是我的缺點
這晚與你當做永久一切有如夢見
愛我愛我來吧共抱緊這段緣
原來對你愛得深早已變了極端
難憑理智去解開事情
原來每個女人都總有某個弱點
明明抗拒結果心又遠